Жамбыл ауданы Ақбұлым ауылы «Нұртай ата» мешітінің имамы Естеков Сабит мешітке келген жамағатқа Халықаралық отбасы күніне орай, «Отбасы – ізгілік ошағы» тақырыбында кеңінен уағыз айтты.

Отбасы тәрбиесінде ескеретін жағдай – бала-шағаның қолымен садақа беру, яғни отбасыңды өзгеге жақсылық жасауға дағдыландыру. Кішкентайынан садақа беруді үйренген бала өскенде өзгеге жақсылық жасайтын болады.

Сайып келгенде, отбасы ізгіліктің ошағы болуы керек. Алла Тағала отбасымызды аман етіп, оған жақсылығын жаудырғай. Әр шаңыраққа бақ пен береке, бірлік пен ізгілік тілейміз.  

Жамбыл аудандық мешітінің баспасөз қызметі