Тұрар Рысқұлов ауданы Қорағаты ауылдық мешітінің алдына асфальттан жол төселді. Жолдың төселуіне ауыл имамы Байқожаев Нұрдәулет себепші болды.

Мешіттің атқаратын қызметі, қоғамдағы орны өте үлкен. Мешіт – руханият ордасы, оқу-білімнің орталығы. Себебі мешіттеріміз тек құлшылық жасайтын орын ғана емес, діни сауат ашатын, сәбилерге азан шақырып ат қоятын, жаңадан отау құрған жас жұбайлардың ақ некесін қиятын, дүниеден өткен аяулы жандарға Құран оқытып, дұға бағыштайтын, мұқтаж жандарға қайырымдылық жасалатын, қиналған адамдарға рухани қолдау көрсететін мейірім мекені. Мешіт салудың сауабы мол болатыны сондықтан.

Өздеріңізге жақсы мәлім, кешегі Алаш арыстары: «Мешіт салуға рұқсат керек. Құдайға құлшылық етуге еркіндік болсын», – деген талап қойып, ұлы арман-тілегін айтып еді. Халқымызда «Азаны бар ауыл азбайды» деген нақыл бар. Мешіт – сүйіспеншілік пен бауырмалдықтың, игілік пен ізгіліктің, бірлік пен мейірімділіктің, барша жақсылықтың тоғысқан құтты мекені.

 Қуаныш Тузелбеков

Рысқұлов аудандық мешіттің баспасөз қызметі