Қандай заман болмасын маңайына шуақ сыйлайтын жандардың қатары сиремеген.  Ата-бабамыз қай уақытта өмір сүрсе де өздерінің тұрмыс-тіршілігін ислам дінінің негіздерімен ұштастыра білген. «Кең болсаң кем болмайсың» деген қағиданы ұстанған дана халқымыз маңайындағы мұқтаж жандарға қайырымдылық жасап, қол ұшын созып көмек көрсетуді өсиет еткен.

Қанға сіңген игі қасиетпен Шу ауданы "Төле би" мешітінде кезекті қайырымдылық ұйымдастырылды. Мешіт имамы Талғат Кәрібайұлының ұйытқы болуымен, кәсіпкер азаматтардың демеушілігімен 7 отбасыға көмек көрсетілді. 

Ең қажетті азық-түліктер алынып, мұқтаж, көпбалалы, әлеуметтік жағдайы төмен жанұяларға табысталды. Көпшілік алғыс айтып, имам батасын берді.

 Шу аудандық "Жәми" мешітінің баспасөз қызметі