Бүгін  Ораза айт мерекесінің құрметіне Шу аудандық «Жәми» мешіті рамазанда мешітке түскен пітір садақасынан мұқтаждарға жәрдем беру мақсатында қайырымдылық науқанын өткізді. Қашанда қайырымдылық шараларын көптеп ұйымдастырып, тұрмысы төмен отбасыларға қарайласып тұратын мешіттің бұл жолғы іс-шарасы 40 отбасыны қамтыды.

Ораза айтқа арналған айттық Рамазан айында мешітке көмек сұрап келген көп балалы отбасыларға, әлеуметтік аз қамтылған жанұяларға, мүгедек жандар мен асыраушысынан айырылғандарға таратылды.

Ауданның бас имамы Бахтияр Амиреев көпшілік алдына шығып, Айт мерекесімен құттықтап, мұсылмандық мейрам жайлы насихат айтты. Көпшілік мешіт қызметкерлеріне алғысын айтып, үлкендер батасын берді. 

Шу аудандық "Жәми" мешітінің баспасөз қызметі