Аудандық "Қордай" мешітінің ұстазы Эльмира Аманқожақызының ұйымдастыруымен "Шарапаты мол - Шағбан айы" атты рухани кеш өтті. Кешке "Әжелер алқасының" мүшелері мен қадірлі қонақтар келіп қатысты.

Ұстаз жамағатқа шағбан айын қалай өткізу керек, қандай амалдар орындалуы құпталады деген мәселелер бойынша ақпарат беріп, әсерлі насихат айтты. Шағбан айын қорытындылап, келе жатқан Рамазан айына дайындық турасын да тілге тиек етті.

Шараға қатысқан "Солихалар" шәкірттер тобына оқуда озат болып, көзге түскендері үшін арнайы сыйлықтар мен алғыс хаттар табысталды.

Қордай аудандық мешітінің баспасөз қызметі