Тараз қаласына қарасты «Ар-Рахман Ар-Рахим» мешітінің имамы Ембергенов Амангелдінің басшылық етуімен мешітте әйелдердің білім алуына арналған дәрісханаға жөндеу жұмыстары жүргізілді. Дәрісхананың кілемдері толықтай жуылып, жөндеуден кейін қайта төселді.

Бұған қоса дәрісханаға кітап қоятын сөрелер жасалып, жаңа перделер ілінді. Тазалық жұмыстарына атсалысқан азаматшаларға жөндеу жұмыстарынан кейін мешітте ақ дастархан жайылып, алғыс ретінде шай берілді. Мешіт имамы барша атсалысқан жандарға шексіз алғысын білдіріп, мешітті таза ұстау баршаға ортақ міндет екенін тілге тиек етті. 

Ар-Рахман Ар-Рахим мешітінің баспасөз қызметі