Тұрар Рысқұлов ауданы  Каменка ауылының жастары ұйымдастырып ауылдағы мұқтаж отбасыға үй тұрғызып берді. Тұрғын үй кешені 3 бөлмеден тұрады. Үйдің құрылысын толықтай аяқтап үй ішіне су да кіргізілді.

Сонымен қатар, Каменка ауылдық «Бәйдібек баба» мешітінен бөлменің едендеріне төсейтін 3 кілем сыйға берілді. Үйдің кілтін табыстауға ауыл тұрғындары, ауданның бас имамы Сұлтаншәріп қажы мен ауыл имамы Сұлтанов Қайсар қатысты.

Ауданның бас имамы жастарға, тұрғындарға жария садақаның абзалдығы мен сауабы тақырыбында уағыз насихат жасап, демеуші болған және қол ұшын созған жастарға ризалығын білдіріп, алғыс айтты.

Қуаныш Тузелбеков 

Рысқұлов аудандық мешіттің баспасөз қызметі