Жамбыл ауданы орталық «Бәйдібек» мешітінде ауданның бас имамы Ғайырфулла Қуанышбекұлы ауданға қарасты ауыл мешіттерінің имамдарымен арнайы жиналыс өткізді.

Аталған кездесуде ауданның бас имамы ауыл имамдарына бірқатар тапсырмалар беріп, мешіт жамағатымен тығыз қарым-қатынас орнату керектігін сонымен бірге, мешіттің ішкі-сыртқы тазалығына мұқият қарау керектігі жөнінде айтты. Уағыз–насихат жұмыстарын және де қоғаммен байланыс жұмыстарын мейлінше тиянақты атқару керектігін жеткізіп, дін қызметкерлерінің асыл дініміз ислам жолында атқарып жатқан игі істері үшін алғысын білдірді.

Жамбыл аудандық мешітінің баспасөз қызметі