Меркі ауданына қарасты Ойтал ауылдық «Намазхана» мешітінің имамы Олжабаев Жанболаттың ұйымдастыруымен ауыл жастарының арасында «Құрбан айт» мейрамының құрметіне футболдан жарыс өтті.

Жарыстың түпкі мақсаты ауыл жастарының арасындағы қарым-қатынасты нығайтып, ауызбіршілікті, ынтымақ-бірлікті насихаттау болатын.

Жарыста үздік шыққан топтарға қаржылай сыйлықтар табысталды.

Айта кетейік, Олжабаев Жанболат осыған дейін ауыл жастарын ұйымдастырып және жеке өзі бірнеше жарыстарға қатысып жүлделі орындарға ие болған еді. Сонысымен Ислам діні салауатты өмір салтын насихаттайтынын дәлелдеп жүрген имамдарымыздың бірі.

Алла денімізге саулық, денелерімізге күш-қуат берсін! Әумин!

Меркі аудандық «Меркі ата» мешітінің баспасөз қызметі