Шу ауданы "Тоғай" мешітінде бірнеше апта бойы "Ихсан - рухани тәрбие негізі" атты имандылық дәрістері жалғасын тауып келеді. 

Ихсан сөзі жақсылыққа жеткізу, жақсылық жасау, бір нәрсені соңына дейін орындау, тиянақтылық, шынайылық деген сынды мағынаны білдіреді. Ал шариғатта «амалдарды Алла көріп тұрғандай сезімде орындау» дегенге саяды.

Мұсылмандарда иман бар, оны іске асыратын амал - ислам бар, ал әдеп жағы - ихсан бүгінгі таңда ақсаңдап тұр. Сондықтан осы қасиетті тәрбиелеу мақсатында "әдеп" дәрістері жүргізіліп келеді. Айта кетейік, ол құптан намазынан соң "Тоғай" мешітінде өткізілуде.

Шу аудандық "Жәми" мешітінің баспасөз қызметі