Жамбыл ауданы Ақбұлым ауылы «Нұртай ата» мешітінде бесін намазына келген жамағатқа мешіт имамы Естеков Сабит «Намаз оқудың сауабы» турасында кеңінен уағыз айтты.

Намаз – Исламның бес парызының бірі әрі құлшылықтың ең абзалы. Жаратушымыз Алла Тағала қасиетті Құраның 87 жерінде намаз оқуды бұйырып, оның адам баласы үшін маңыздылығына ерекше назар аударған.

Намаз – пендені Жаратушының кешірімі мен мейіріміне бөлейтін ұлы құлшылық. Ардақты Пайғамбарымыз (оған Алланың салауаты мен сәлемі болсын) намазды «Діннің тірегі», «Мүминнің миғражы», «Жұмақтың кілті», «Көзімнің нұры» деп түрлі атаулармен атаған. Бұның барлығы намаз оқудың қаншалықты маңызды екендігінің көрінісі.   

Жамбыл аудандық  мешітінің баспасөз қызметі