Жуырда Шу ауданына іссапармен келген Жамбыл облыстық «Һибатулла Тарази» мешітінің ұстазы Жарбол Ақжігіт бірнеше кездесу өткізді. Сондай жиынның бірі Төле би ауылындағы М.Әуезов атындағы орта мектебінде болды. Жоғарғы сынып оқушыларымен өткен жиында Жарбол ұстаз  жат ағымдардың жетегіне ермеу, оларды тану және сақтану жолдарын түсіндіріп, жастарға қажетті кеңестер берді.

Сонымен қатар бүгінгі таңдағы өзекті мәселелер сөз болып, олардың шешімдері айтылды.  Оқушылар облыстан келген қонаққа сұрақтарын қойып, тұшымды жауаптар алды.

 Шу аудандық «Жәми» мешітінің баспасөз қызметі