Халқымыз қашанда қайырым жасаудан қалысқан емес.  Аллаға және ақырет күніне кәміл сенгендер өздеріңе берілген мал-мүліктен садақа беріп, сауапты көздеп жүреді.  Бүгінгі таңда да қайырымдылық шаралары кең ауқымда жүргізілуде.  Бірі атын атағанды жөн санамайтын, бірі рияға ұшырап кетуден сақтанатын жомарт жандар  көптігі бізді қуантады.

Сондай-ақ сахи жомарттар Шу ауданында да жетіп артылады.  Жуырда Еңбекші  ауылдық мешіттің имамы Данияр Исаковтың ұйымдастыруымен демеушілердің 1 бас уақ малы сойылып, оның еті  3 отбасыға табысталған болатын.  Жұмсалған қаражат 35 мың теңгені құрайды. Сол сияқты Шу ауданы «Кәрібай молда» мешітінің қызметкерлері  1 қойдың етін 3 отбасыға таратып, ризашылықтарын алды.

Ал, Шу ауданы «Айтқұл баба» мешіті имамы Бахтияр Нармұханов  қайырымды  жандардың  берген 25 мың теңгесіне 4 отбасыға талғажау етерлік азық-түлік себеттерін  үлестірді.

Байжан ЕМБЕРДІ,

Шу аудандық  «Жәми» мешітінің баспасөз қызметі