Аустралия мұсылмандары қатты қуаңшылық салдарынан ірі қара малдарға беретін шөптің жетіспеушілігіне ұшыраған елдің фермерлеріне көмек қолдарын созды.

News.com.au ресурсы баяндағандай, бірнеше аустриялық мұсылман ұйымдары күш-жігерлерін біріктіріп, батыс Квинсленд мал өсірушілеріне 33 тонна шөп түсіріп берген.

Басқа түскен қиын кезеңде бұл аса елеулі қолдау болып табылады. Мұсылман көшбасшыларының мәлімдеуінше, Квинсленд фермерлері үшін қажет қаражатты Аустралияның түкпір-түкпірінде тұратын мұсылман бауырлар жинаған екен.

«Біз үш жүк көлігіне тиелген шөп алып келдік. Әрине, бұл көп емес, бірақ фермерлер өзара бұл шөпті адал түрде бөліп алып, бірнеше күн болсын өз малдарын қоректендіреді деп үміттенеміз», - деп атап өткен бір мұсылман қайырымдылық ұйымдарының өкілі Юсуф Хатри.

asyldin.kz