Қазақстан мұсылмандары діни басқармасының тапсырмасына орай, әр жылда «Мектепке жол» науқанының аясында әлеуметтік жағдайы төмен отбасыларға арналған қайырымдылық іс-шаралары ұйымдастырылуда.

Мұндай науқанның жылда өтуіне байланысты, жағдайы төмен жанұялар тамыз айы басталысымен орталық «Меркі ата» мешітіне келіп, мектепке қажет бұйымдарын жазба түрінде көрсетіп, тізімге тіркеліп жатты.

Акция барысында, мүмкіндікке қарай 30 отбасының ұл-қыздарына мектеп формасы, сөмке, оқуға қажетті бұйымдар бүлдіршіндерге табысталды.

Ата-аналар разылықтарын білдіріп, жасөспірімдердің жүзінде күлкі ұялап, мәз-мейрам болған-ды.

Аудандық «Меркі ата» мешіті