«Қордай» гуманитарлық-экономикалық колледжінің орыс тілді топтарының қатысуымен «Молодеж против экстремизма» атты семинар-сабақ өтті.

Семинарға аудандық жастар орталығының өкілдері, БАҚ өкілдері және аудандық «Қордай» мешітінің наиб имамы Д.Жандосұлы қатысты.  Семинар барысында түрлі экстремистік әрекеттерге қарсы бейне роликтер көрсетілді.

Семинар барысында ислам дінінің негізгі қағидаттары жайлы, бейбітшілік пен тұрақтылық жайлы үлгі-өсиеттерді наиб имам Д.Жандосұлы ресми тілде еркін және түсінікті жеткізе білді.

Семинарға қатысқан студенттер тарапынан дін өкіліне сұрақтар қойылып, баршасына нақты дәлел-дәйекті жауаптар қайтарылды.

Аудандық «Қордай» мешітінің баспасөз қызметі