Ұлтты ұйыстырған ұлық күн «Әз-Наурыз» мерекесіне орай Жамбыл облыстық Қыздар, әйердер секторы қайырымдылық науқанын өткізді.

Әуелі, жұма намазының алдында қайырымдылық жәрмеңкесі жүргізіліп, жиналған қаражатқа көпбалалы, мұқтаж отбасыларға азық-түлік алынды. Іс-шара наурыз тойымен жалғасын тауып, аталған қажеттіліктерді Қыздар, әйердер секторының Жамбыл облысындағы өкілі, «Һибатулла Тарази» мешетінің ұстазы Зейнеп Үсенова үлестірді.

Тіршілік қамы мен күн көріс күйбіңі алаңдатқан аналар көрсетілген көмек үшін қуанып, алғыстарын жеткізді.

Ақерке БЕКҚҰЛОВА,

«Һибатулла Тарази» мешітінің баспасөз қызметі