Алдыңғы күндері хабарлағанымыздай Қордай имамдары шекара қызметінің сарбаздарымен кездесулер өткізді. Міне бүгін де сол кездесулер өз жалғасын тауып жатқанына куә болдық. Қарасу ауылдық «Ал-Хадий» мешітінің имамы С.Аманбаев ҰҚК ШҚ 2038 әскери бөлімінің «Қарасу» заставасының жеке құрамымен имани сұхбат жүргізді. Сұхбаттың аты затына сай болып имам С.Аманбаев Ислам дінінің негізгі құндылықтары жайлы уағыз айтты.
Әрине бүгінгі күнгі өзекті мәселелердің бірі теріс бағыттағы топтардың әрекеті де сұхбат тақырыбынан шет қалмай, С.Аманбаев олардың жат пиғылдарын, қоғамға тигізіп жатқан зияны жайлы сөз қозғады. Сарбаздар имам С.Аманбаевқа көкейкесті сұрақтар қойып, оларға тиісті жауаптар қайтарылды. 2038 әскери бөлімі командирінің орынбасары Қ.М.Алиев дін өкілі С.Аманбаевқа өз атынан және жеке құрам атынан алғысын білдірді.
Аудандық «Қордай» мешітінің
Баспасөз қызметі