Отан қорғау мақсатындағы әскери күштердің  ең алдыңғы  қатарда тұрғандары ол әрине шекара сарбаздары. Еліміздің шекара шегін жау өтпесін деп, қызмет етіп жүрген  шекара қызметі  жауынгерлерінің  рухани  кемелденуі де, діни сауатты болуы да маңызды іс.  Осыған орай ҰҚК шекара қызметінің №2038 әскері бөлімінде имани кездесу болып өтті. Кездесуге ҰҚК қызметкерлері, шекара қызметінің басшылары, офицерлер құрамы, қатардағы жауынгерлер және аудандық «Қордай» мешітінің наиб имамы Б.Жүсіпов қатысты.

Шекера қызметінің жеке құрамына  Б.Жүсіпов  Ислам дінінің тіректері жайлы уағыз айтты. Әрине кездесуде көтерілген өзекті мәселе ол жат ағымдардың іс-әрекеттері болды. Ислам шапанын жамылған жат ағымдар туралы Б.Жүсіпов жиналған қауымға түсіндіріп беріп, шекара қызметкерлерінің өздеріне де осы топтардың құрбаны болмас үшін сауат ашу қажет екендігін айтты. Бұл мақсатта біріге жұмыс істеуге шақырды. Наиб имам Б.Жүсіповқа сарбаздар мен офицерлер тарапынан түрлі сұрақтар қойылып, оларға дәлелді жауапты қайтарылды.

Аудандық «Қордай» мешітінің

баспасөз қызметі