Облыстық «Һибатулла Тараз» мешітінде ауданның бас имамдары бас қосқан кезекті жиналыс болып өтті. Жиналысқа облысымыздағы өкіл имам Данияр Жұмабаев басшылық етті. Бас имам қаңтардың 14-16 аралығында өткен өкіл имамдардың жылдық қорытынды есеп беру жиналысында талқыланған бірқатар мәселелерді қозғай келе, ҚМДБ-ның жүктеген тапсырмаларын аудан бас имамдарына жүзеге асыруды тапсырды. Атап айтқанда Мутфтият тарапынан тапсырылған басты үш міндетті, яғни уағыз-насихат жұмыстарын қолға алу, теріс ағымдармен тегеурінді түрде жұмыс жүргізу, қайырымдылық іс-шараларын көптеп ұйымдастыру жұмыстарын жүктеді. Сондай-ақ алда келе жатқан Мәуліт мерекесін өз деңгейінде ерекше ұйымдастыру керектігін де еске салды.