28 қазан мен 2 қараша аралығында Алматы қаласындағы семинарға қатысып, білімін шыңдап қайтқан Жамбыл облысыңдағы өкіл имамы Данияр Әлимұхаммедұлы Бас мүфтиіміз Ержан қажы Малғажыұлының имамдардың білімділігн арттыру туралы тапсырмасына орай «Һибатулла Тарази» медресесінде қала және ауыл имам-молдаларының кезекті семинарын ұйымдастырды. Олар 4 топқа бөлініп, әр топта елу имам жеделдетіп дәріс тыңдайтын болады. Семинар кезінде Құран Кәрім, тәжуид, мазхаптар тарихы, шешендік өнер (һитабәт), хадис ілімі және Ислам ғылымхалы пәндерінен медресеміздің білікті де білімді ұстаздары дәріс береді. 1 ай бойы дін ғылымымен сусындаған имам-молдаларымыз өңірлердегі діни ахуалдың жақсаруына, дініміздің өркендеуіне үлкен үлес қосады деп сенеміз.
Әміров Әбдіжаппар