Мойынқұм ауданы орталығындағы М.Жұмабаев орта мектебінің залында аудандағы белсенді жастармен кездесу болды. Кездесуде аудан әкімінің ішкі саясат бөлімінің бастығы М.Көшкінбаев, «Нұр Отан» партиясы аудандық филиалының бірінші орынбасары М.Сейдалиев, аудандық ардагерлер кеңесінің төрағасы Ж.Қойгелдиев және аудандық Мойынқұм мешітінің бас имамы Қуат Дүйсенбайұлы қатысты.

Аудан имамы өз сөзінде қазіргі уақытта жастардың көзі ашық, көкірегі ояу болу керек екенін айтып, жан-жақты хабардар болуға шақырды. Дәстүрлі Ислам дініміздің құндылықтарын үйреніп, тілімізді, ділімізді, дінімізді құрметтеп, патриот болу әрбір еліміздің азаматына артылған жүк екенін атап өтті.