Жамбыл облысы бойынша Жалпы және жастар ісі бөлімінің өкілі Аманбаев Ержан Маханұлы Тараз мемлекеттік университетінің М-1 тобының 3 курс білімгерлерімен біріге «Жетім көрсең жебей жүр» деп, қаламыздағы Сарымолдаев атындағы балалар үйінің 50 бүлдіршіндеріне құрбан айт дастарханын жасап, әрбір балаға айттық сыйлықтар ұйымдастырды. Е.М.Аманбаев ТарМУ-нің білімгерлеріне және жас бүлдіршіндеріне бауырмашылдық турасында уағыз айтты. Дастархан басында бүлдіршіндер аға-апкелеріне өлеңдерін оқып берді. Әрбір бүлдіршінге айттық естелік сыйлықтар тапсырылды. Е.М.Аманбаев алдағы уақыттарда да облысымыздағы жастарды жақсылыққа жарыстырып, жақсы істерде жұмылдыруды көздейді. Жастар біздің ертеңгі күніміздің иесі. Болашақ бүгіннен басталады.