Жамбыл облысы Тараз Қалалық әкімдіктің ұйымдастыруымен құрылған ақпараттық үгіт-насихат тобы өздерінің кезекті кездесуін бастады. Әуелі үгіт-насихат тобы Жамбыл политехникалық колледжінің студенттерімен кездесті. Үгіт-насихат тобында Жамбыл облысы Дін істері басқармасының директоры Айдапкелов Серғали Өмірзақұлы, Жамбыл облысы ардагерлер ұйымы төрағасының орынбасары Дәуренов Әмірбек, ТарМПИ-дың аға оқытушысы Алпысбаев Бақтияр, ҚМДБ-ның Жамбыл облысындағы өкілдігі «Һибатулла Тарази» мешітінің наиб имамы Аманбаев Ержан Маханұлы қатарлы маман ұстаздар болды. Кездесуде қоғамдағы жастардың тәрбиесіне көңіл бөлу, діни жат ағымдарға қарсы тұру төңірегінде сөз қозғалды. Кездесуде наиб имам Ержан жастардың діни сауатын арттырумен қоғамдағы түрліше заңсыз әрекеттердің алдын алуға болатынын жеткізді.

Көгедай Шәмерхан