Биылғы Рамазан айының ауызашарға деген халықтың және ел басқарып жүрген азаматтарыңыздың ықыласы жылдағыға қарағанда ерекше. Соның бір айғағы: Ауданымызға жаңадан тағайындалған аудан әкімі Көпбосынов Бақтияр бауырымыз қасиетті нұрын шашқан Рамазан айын қастерлеп, ауданымыздың қадірлі азаматтары, ақсақалдар, ауыл имамдары, қажылар бас қосып, барлығы 250 адамға арнап дастархан жайып, ауызашар берді. Ауызашарға арнайы шақырылған Жамбыл облысы бойынша өкіл имамы Данияр қажы Жұмабаев құран бағыштап, бата жасады. Өкіл имам жиналған көпшілікті қасиетті Рамазан айымен құттықтады. Рамазан айының қадір-қасиетіне тоқталып, жиналған қауымның көңілінен шығып, ақсақалдарымыз өкіл имамға разылықтарын білдіріп, келешегін жарқын, өркені өсіп, дін саласындағы қызметіне табыс тілеп, дәрежесі көтеріле берсін деп, тілектерін айтып, бата берді.