Ұрпақ тәрбиесін маңызды орынға қойған халқымыз «Тәрбие тал бесіктен басталады» демейме? Ұрпақты ұлтын, Отанын сүйгіштікке тәрбиелеу үшін, әуелі жас ұрпақ санасына рухани азық сіңіру керек. Ендеше ұрпақ тәрбиесін дұрыстау, ел ертеңі жастарды ақаусыз өсірудің бастамасы.

Біздің қоғамға иманды, ибалы жас керек. Ортада белең алып жатқан, жат қылықтардың алдын алудың бұл да таптырмас шарасы. Бүгінгі таңда еліміздің түкпір-түкпірінде жасөспірімдердің жазғы демалысына діни орындар тарапынан ұйымдастырылған лагерлер саны көптеп артуда. Сондай жұмыстың біздің өңірімізде де жалғасын тауып жатыр. Айтар болсақ, Жамбыл облысына қарасты Жамбыл ауданы, Тастөбе ауылы Тастөбе мешітінің жанындағы сауат ашу курысына арналған үйде балалардың жаздық демалысын тиімді пайдалану үшін, рухани имандылыққа тәрбиелейтін сауат ашу курсы сабақ бастады.

Бұл сауат ашу курысына шәкірт даярлап, жасөспірімдерді жатынорын, тамақпен қамтамасыз етуге ҚМДБ-ның Жамбыл облысындағы өкілдігі «Һибатулла Тарази» мешітінің әкімшілігі ұйтқы болып, қолға алып ұйымдастырып отыр.

«Һибатулла Тарази» мешітінің баспасөз қызметі