Қасиетті рамазан айы мұсылман үшін Аллаһтың рақымы мен шапағатына бөленетін, сауабы мен берекесі мол ай. Рамазан айының рамазан айы болуының өзіндік себептері бар. Біріншіден, бұл айда Құран түсті. Екіншіден, исламның бес парызының бірі болған оразаны осы айда ұстауға әмір етілді. Үшіншіден, мың айға тең келетін Қадір түні осы айдың еншісінде. Рамазан айының шарапаты мен сауабы тек ораза ұстаумен ғана шектелмейді. Бұл айда жасалған амалдарымызға еселеп сауаптан жазылмақ. Сол сауабы мол амалдың бірі - аузы берік жанға ауыз аштыру.
Кеше ғана алғашқы ауыз ашарды берген Талас ауданымыздың әкімі Рымтаев Досан және «Қарата» аудандық мешітінің бас имамы Алиев Нурсылтанның бастауымен ауыз ашар берілді. Бұл дастарханға жиналғандар әр түрлі қызметтегілер, іс сапарда жүрген жолаушылар, қала тұрғындары мен әр түрлі әлеуметтік топтағы адамдар және мешітіміздің күнделікті жамағаты жиналуда.
Ораза ұстағандарға ауызашар берудің сауабы мол. Аллаһ елшісі (саллаллаһу аләйһи уә сәлләм): «Ораза ұстаған кісіге ауыз аштырғанға ораза ұстаған кісінің сауабындай сауап жазылады. Бұдан ораза ұстаған кісінің сауабы кемімейді», - дейді. (Тирмизи)

Талас аудандық «Қаратау» мешітінің найб имамы
Оразбаев Акбар

 

  

ҚҰРМЕТТІ ОҚЫРМАН! ОСЫ ТАҚЫРЫПҚА БАЙЛАНЫСТЫ ПІКІРІҢІЗДІ БӨЛІСЕ ОТЫРЫҢЫЗ.