Қордай ауданы, Сортөбе ауылы «Али Мұртаза» мешітінің имамы Ихия Мұхаммад Дубоевич пайғамбарымыз Мұхаммед с.ғ.с айтқан «Кімде-кім ораза тұтушының ауызын аштырса, Аллаһ оны тозақ отынан құтқарып күнәләрін кешіреді» деген қасиетті хадисіне сүйене отыра Сортөбе ауыл әкімшілігінің көмегімен Бас Мүфти Ержан қажы Малғажы ұлының атынан 70 адамға ауыз ашар берді. Ауыз ашарға көп балалы , аз қамтамасыз етілген отбасылар, сауат ашу курсының шәкірттері, ауыл ақсақалдары, ауыл тіршілігіне бейғам қарамайтын белсенді азаматтар қатысты. Ауыз ашарға Сортөбе ауыл округі әкімінің орынбасары М.Гаров арнайы келіп қатысты. Ауыз ашарда ораза және сауапты істер жайлы мәнді де маңызды уағыз насихаттар айтылды. Негізінен дүнген ағайындар шоғырланған аталмыш елді мекенде ауыз ашарлар әлі де жалғасуда.

Дәуренбек Жандосұлы
аудандық «Қордай» мешіті
баспасөз хатшысы