Шу ауданы Абай ауылына қарасты «Оспанәлі» мешітінде жұма намазының рухани тағылымы насихатпен жалғасты. Күндердің сұлтан жұма күні өткен насихатты «Төле би» мешіттің наиб имамы Нұрғиса Сейдахметұлы жүргізіп, жамағатқа «Тәубенің мәні мен маңызы» тақырыбында уағыз айтты.

Насихатта тәубенің адам өміріндегі орны, күнәдан арылып, жүректі тазартудың маңызы кеңінен тарқатылды. Имам пенденің қателігін мойындап, шынайы өкінішпен Жаратушысына бет бұруы – рухани кемелденудің маңызды қадамы екенін жеткізді.

Осы орайда Құран Кәрімнің «Зүмәр» сүресінің 53-аятындағы: «Алланың рақымынан үміт үзбеңдер. Шүбәсіз, Алла барлық күнәларды кешіреді» деген иләһи ескертуге тоқталды.

Уағыз түйінінде жамағат сұрақтарын қойып, тұщымды жауап алды.

Шу аудандық  «Жәми» мешітінің баспасөз қызметі.