Шу ауданындағы мешіттерде қасиетті жұма күні «Ислам және отбасы» жылы аясында «Отбасы – бақыт пен берекенің тірегі» тақырыбында тағылымды уағыз айтылды.

Уағыз барысында отбасының адам өміріндегі орны мен қадірі кеңінен сөз етіліп, шаңырақтағы татулық пен өзара сыйластықтың маңызы түсіндірілді. Сондай-ақ ерлі-зайыптылардың бір-біріне деген жауапкершілігі, ата-анаға құрмет көрсету, ұрпақ тәрбиесіне мән беру және отбасы мүшелерінің өзара мейірімділік танытуы жөнінде насихат айтылды.

«Раббың бір Өзіне ғана құлшылық етуді, ата-анаға барынша жақсылық жасауды үкім етті. Егер олардың біреуі немесе екеуі бірдей қолыңда қартайса, (оларды ауырсынып немесе жақтырмаған сыңай танытып) тіпті «Түу!» деп те кеюші болма, сондай-ақ оларға зекіп ұрыспа! Керісінше, оларға жанға жағымды жылы сөз айт!» –  («Исра» сүресі, 23-аят).

Жамағатқа отбасы бірлігін нығайтып, шаңырақтың берекесі мен тыныштығын сақтауға үндеген тағылымды ойлар айтылды.

Шу аудандық «Жәми» мешітінің баспасөз қызметі.