Мәуліт айына орай «Жәми» мешітінде шәкірттерге арналған рухани-танымдық кеш ұйымдастырылды. Шара барысында шәкірттерге арнайы дастархан жайылып, Пайғамбарымыз Мұхаммедтің (с.ғ.с.) өнегелі өмірі мен көркем мінезі туралы тағылымды әңгімелер айтылды.

Кеште шәкірттердің білімін арттыру мақсатында Пайғамбарымыздың (с.ғ.с.) өмірі мен сүннетіне қатысты викториналық сұрақтар қойылды. Сонымен қатар Мәуліт жыры оқылып, Алла елшісіне (с.ғ.с.) деген сүйіспеншілік пен құрметтің маңызы түсіндірілді.

Тағылымды кеш шәкірттердің рухани білімін толықтырып, Мәуліт айының мән-маңызын тереңірек түсінуге ықпал етті.

Шу аудандық «Жәми» мешітінің баспасөз қызметі.