Жуалы ауданы Бауыржан Момышұлы ауылдық орталық мешітінде «Жүрек дерттері» тақырыбында уағыз-насихат жұмысы өткізілді.

Іс-шара барысында мешіт молдасы Тимур Садуақасұлы жамағатқа жүректің рухани тәрбиедегі маңызы туралы насихат айтып, Пайғамбарымыздың (с.ғ.с.) хадисінен мысал келтірді:

«Расында, денеде бір кесек ет бар. Егер ол түзелсе, бүкіл дене түзеледі, ал егер ол бұзылса, бүкіл дене бұзылады. Біліп қойыңдар, ол – жүрек».

Уағыз барысында жүрек тазалығы, имандылық, көркем мінез және пенденің рухани өміріндегі жүректің орны кеңінен түсіндірілді.

Жуалы аудандық мешітінің баспасөз қызметі.