Жуалы ауданы, Бауыржан Момышұлы ауылындағы «Толымбай тегі Зиябек» мешітінде жұма күні «Һибатулла Тарази» медресе-колледжінің ұстазы Әбдісамат Мирәсілұлы арнайы кездесу өткізді.

Жұма намазының алдында ұстаз жамағатқа тағылымды насихат айтып, «Һибатулла Тарази» медресе-колледжіне 2026–2027 оқу жылына талапкерлерді қабылдау науқанының жүріп жатқанын хабарлады. Сонымен қатар, оқуға түсуге ниетті түлектерге білім ордасындағы оқу және тұрмыс жағдайлары жөнінде жан-жақты мәлімет берді. Атап айтқанда, медресе-колледжде кітапхана, компьютерлік сыныптар, лекциялық аудиториялар, асхана, жатақхана, спорт алаңы және басқа да қажетті материалдық-техникалық база толық қамтамасыз етілгенін атап өтті.

Кездесу барысында жамағатқа арнайы буклеттер мен шақыру қағаздары таратылып, мешіттің ақпараттық тақтасына талапкерлерге арналған хабарландырулар ілінді.

Сондай-ақ, аудан көлеміндегі барлық мешіттерде жұма намазы кезінде имам-молдалар медресе-колледжге түсу мүмкіндіктері туралы насихат жұмыстарын жүргізді.

Жуалы аудандық мешітінің баспасөх қызметі.