1 наурыз - Алғыс айту күні мерекесіне орай Әл - Әділ мешіті қабырғасында тағылымды кездесу өтті.

   Мешітіміздің бас имамы шәкірт тәрбиесіне , мешіт жұмысына белсене атсалысып жүрген ардақты әжелерімізге ризашылығын білдіріп , алғыс хаттар табыстады. Бұл - мешіт өміріне тұрақты түрде келіп , жастарға өнеге болып жүрген әжелерімізге көрсетілген құрметтің белгісі болды.

   Сонымен қатар, ұстазымыз Ләззат Амиреева апаларымызға алғыс білдіріп , Рамазан айының құрметіне ақ жаулықтар тарту етті.

   Бұл игі шара мешітке келуші әжелерімізге құрмет көрсетіп , олардың қоғамдағы және тәрбиедегі рөлін айшықтай түсті.Осындай тағылымды басқосулар алдағы уақытта да жалғасын табады деп сенеміз.