Түрксіб мешітінде қайырымдылық шарасы ұйымдастырылып, 15 отбасыға азық - түлік пен кілем таратылды. Бұл игі шараның басты мақсаты - көмекке мұқтаж отбасыларға қолдау көрсету және олардың тұрмысына аз да болса жеңілдік жасау.

   Таратылған көмекке күнделікті тұрмысқа қажетті азық - түлік өнімдері мен кілемдер кірді. Қайырымдылыққа жұмсалған жалпы қаражат көлемі 900 мың теңгені құрады.

   Осындай игі істер қоғамдағы мейірімділік пен жанашырлықты арттырып, адамдар арасындағы бірлік пен бауырмалдықты нығайта түседі. Мешіт тарапынан ұйымдастырылған мұндай қайырымдылық шаралары алдағы уақытта да жалғасын табады деп сенеміз.