Байзақ ауданының бас имамы Қанат Әділханұлы Үлгілі ауылдық мешітіне жиналған жамағатқа «Зекет пен садақа берудің пайдасы мен беректі» тақырыбында уағыз айтып, ҚМДБ-ның төрағасы, бас мүфти Наурызбай қажы Тағанұлының бұйрығымен Жамбыл облысы Байзақ ауданы, Үлгілі ауылы «Әбдімажит» мешітіне Баешов Азамат Боранбайұлы имам болып тағайындалғанын жеткізді.

Азамат Баешов 2021-2023 ж.ж.  Жамбыл облысы Тараз қалалық «Әулие ата» мешітінің наиб имам қызметін атқарды.

2023 жылдан бері Байзақ аудандық «Байзақ баба» мешітінің наиб имам қызметін атқарды.

Үлгілі ауылдық мешітінде осы уақытқа дейін қызмет жасаған Түзелбай Қайыржан Пердебайұлыны алғыс айтып, жаңа тағайындалған имамның қызметіне сәттілік тіледі. Ақсақалдар жаңа имамға бата беріп, жергілікті тұрғындардың рухани ілімін жетілдіру жолында еңбек етуіне жан-жақты қолдау көрсетілетінін жеткізді.