Тараз қаласындағы "Әбу – Бәкір Ас–Сыдық" мешітінде жамағатқа арналып арнайы уағыз өтті.

Шара барысында  ұстаз Сабыралы Мақсат «Дін мен дәстүр» тақырыбында сөз қозғап , ислам діні мен қазақ халқының ғасырлар бойы қалыптасқан салт – дәстүрлерінің өзара сабақтастығына кеңінен тоқталды. Ол ата – бабамыздың ізгі әдет – ғұрыптарының көпшілігі шариғатқа сай келетінін атап өтті.

Пайғамбырымыз (с.ғ.с ) хадисінде : «Мен ең көркем мінезді толықтыру үшін жіберілдім  » деген . Ұстаз осы хадисті мысалға алып, халқымыздың әдеп пен әдетке бай дәстүрлері діннің негіздерімен үндес екенін жеткізді.

Сонымен қатар, ұстаз жастарды үлкенге құрмет, кішіге ізет көрсетуге, ысырапшылдықтан сақтануға, ата–ананың ақ батасын алуға шақырды. «Дәстүрін сыйлаған халықтың діні берік, ал дінін ардақтаған халықтың дәстүрі де сақталады» деген оймен жамағатқа терең өнеге қалдырды.