Талас аудандық «Қаратау Қажы би» мешітінде Қазақстан Республикасы Әскери әуе қорғаныс күштерінің 19132 әскери бөлімінің аға борттехник-нұсқаушысы, капитан Жеңісбек Тұрғанбайұлын еске алуға арналған облыстық Құран сайысы ұйымдастырылды.

Жарыстың ашылуында Жамбыл облысының бас имамы Асқар қажы Зәкіржанұлы сөз сөйлеп, Құранды оқудың және оны жаттап жүрекке тоқудың мән-маңызына тоқталды.

Сайысқа төрелік еткендер:

• Жамбыл облысының бас имамы – Асқар қажы Зәкіржанұлы,

• «Һибатулла Тарази» қайырымдылық мекемесінің директоры – Бірлік қари Жанарбекұлы,

• Талас ауданының бас имамы – Жалғасбай Дүйсенбайұлы.

Облыстың әр өңірінен келген 16 үміткер өзара бақ сынасты. Нәтижесінде:

• І орын – Мырзабек Рамазан (Тараз қаласы),

• ІІ орын – Қали Дархан («Һибатулла Тарази» медресесінің шәкірті),

• ІІІ орын – Құрманбек Абдулла (Рысқұлов ауданы).

Сондай-ақ, жарыстың көзайымы болып жас қарындасымыз Лебек Даяна атанды. Барлық қатысушыларға ынталандыру сыйлықтары табыс етілді.

Шараға демеушілік жасаған – марқұм Жеңісбек Тұрғанбайұлының бауыры Берік Тұрғанбайұлы және «Rizyq-Mubarak» қоғамдық қорының директоры Ерлан Мирасбекұлы.

Бұл игі бастама – жас ұрпақтың жүрегіне имандылық дәнін сеуіп, Құранға деген сүйіспеншілікті арттыруға үлкен үлес қосты.

«Һибатулла Тарази» мешітінің баспасөз қызметі