Қазақстан Республикасының Мәдениет және ақпарат вице-министрі Қанат Жұмабайұлы Ысқақов Сауд Арабиясы Корольдігінің Қажылық және умра істері министрі Тауфик ибн Фаузан ар-Рабиамен ресми кездесу өткізді.

Кездесуге Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы қатысты.

Жиын барысында мәдени байланыстарды дамыту, туризмді ілгерілету және халықаралық ынтымақтастықты кеңейту мәселелері талқыланды. Сауд Арабиясы тарапынан қазақстандық қажыларға қолайлы жағдай жасалатыны атап өтілді.