ҚМДБ Төрағасы Бас мүфти Наурызбай қажы Тағанұлының бұйрығымен Жамбыл облысындағы «Һибатулла Тарази» медресе-колледжіне жаңа директор тағайындалды. Бұл жауапты қызметке аталмыш білім ордасының алғашқы түлегі Ақжігіт Жарбол Болатұлы бекітілді.

Ол бұған дейін ҚМДБ-ның орталық аппаратында бөлімдерінде абыройлы қызмет атқарып келген болатын. Жаңа басшыны таныстыру рәсіміне арнайы келген ҚМДБ Діни білім және кадр бөлімі меңгерушісі Хасан Аманқұл мырза Ақжігіт Жарбол Болатұлын ұжымға ресми таныстырып, алдағы жұмысына табыс тіледі.

Сондай-ақ жиынға қатысқан ҚМДБ-ның Жамбыл облысы бойынша бас имамы Асқар Зәкіржанұлы жас басшыға сәттілік тілеп, медресе-колледждің өңірге діни білім мен тәрбие берудегі орны ерекше екенін атап өтті.

Бұл тағайындау – жастардың ілім жолындағы еңбегінің жемісі мен білікті мамандардың жаңа буынға үлгі бола алатынының айқын көрінісі.

«Һибатулла Тарази» мешітінің баспасөз қызметі