Мешіт жанынан ұйымдастырылған  «Имани жаз – 2025» жазғы діни сауат ашу курсына қатысушы шәкірттер табиғат аясындағы танымдық демалыстан соң  табиғатты қоқыстан тазарту мақсатында сенбілік өткізді.

Демалыс барысында балалар түрлі пайдалы ойындар ойнап, ұстаздарымен бірге тағылымды уағыз тыңдады. Сонымен қатар, табиғатқа жанашырлық танытып, қоршаған ортаны таза ұстау — әрбір мұсылманның міндеті екені түсіндірілді.

Демалыс  аяқталған соң шәкірттер ұстаздарының бастамасымен демалыс орны мен айналаны қоқыстан тазартып, тазалық жұмыстарына белсенді қатысты. Бұл шара жас буынға табиғатты аялау, еңбекқорлық пен жауапкершілікті сезіну  сияқты құндылықтарды қалыптастыруға бағытталды.

Меркі аудандық «Меркі ата» мешітінің баспасөз қызметі