Меркі: «Имани жаз – 2025» жазғы діни сауат ашу курсы сәтті аяқталды

Меркі: «Имани жаз – 2025» жазғы діни сауат ашу курсы сәтті аяқталды

User Rating: 5 / 5

Star ActiveStar ActiveStar ActiveStar ActiveStar Active
 

Алла Тағаланың қалауымен биылғы жылы ауданымыздағы  «Жүніс молда» мешітінде дәстүрлі «Имани жаз – 2025» жазғы діни сауат ашу курсы сәтті аяқталды. Жазғы демалыс уақытында ұйымдастырылған бұл курсқа жасөспірімдер мен балалар белсене қатысып, дініміздің құндылықтары мен имандылық негіздерін үйренді.

Курс барысында шәкірттерге Құран әліппесі, тәжуид ережелері, иман шарттары, намаз оқудың тәртібі, әдеп пен ахлақ сабақтары жүргізілді. Сонымен қатар, балалардың қызығушылығын арттыру мақсатында тәрбиелік ойындар, рухани сұрақ-жауаптар және мәнді шаралар ұйымдастырылды.

Курс соңында барлық қатысқан шәкірттерге сертификаттар мен кітаптар табысталды.Мешіт  имамы Қасымалиев Дастан және Еламан ұстаз  шәкірттерге ізгі тілектерін айтып, ата-аналарға да балаларын діни сауаттылыққа баулуға үлес қосқаны үшін алғыс білдірді.

Бұл игі бастама жас ұрпақтың имани білімі мен тәрбиесін арттыруға, діни сауаттылығын көтеруге және қоғамда имандылықты нығайтуға үлкен үлес қосып келеді.

Жиын соңында шәкірттерге мерекелік дастархан жайылды.

Меркі аудандық «Меркі ата» мешітінің баспасөз қызметі 

ҚҰРМЕТТІ ОҚЫРМАН! ОСЫ ТАҚЫРЫПҚА БАЙЛАНЫСТЫ ПІКІРІҢІЗДІ БӨЛІСЕ ОТЫРЫҢЫЗ.
Жаңалықтардың астында қалдырылған комментарийлер мазмұны asyldin.kz рухани ағарту порталында редакцияланбайды. Сайт комментарийлердің пішіні мен мазмұнына жауап бермейді. Пікір білдірерде тәртіп сақтауды сұраймыз!
пікірлер (0)

Оқи отырыңыз: