Жылда бір қайталанатын кезекті «Мектепке жол!» акциясына Әлжан ана ауылы да қатысты. Оқу маусымы жақындаған сайын көп балалы отбасылары үшін балаларын жабдықтау ауырға соғатыны мәлім. «Құдайберген» мешіті имамы Аманбаев Саламат жамағаттың демеушілігімен мұқтаж жандарға қол ұшын созды.

Қайырымды жандардың көмегімен екі отбасына азық-түліктей, екі отбасына қаршылай жәрдем көрсетілді. Сонымен қоса жеті бала оқу құралдарымен жабдықталып, бір балаға ұялы телефон сыйланды.

Ауыл тұрғындары мешіт ұжымы мен жамағатына ризалықтарын білдіріп, алғыс айтты!

Аудандық «Қордай» мешітінің баспасөз қызметі