Жамбыл облыстық «Һибатулла Тарази» мешітінде қасиетті жұма күні ҚМДБ Әйел-қыздар секторының өңірлік өкілдігінің ұйымдастыруымен қайырымдылық жәрмеңкесі өткізілді.

Ізгі ниетті қыз-келіншектер түрлі тағамдар әзірлеп, жұма намазынан шыққан жамағатқа ұсынды. Қайырымдылық мақсатында жасалған бұл шара барысында жиналған қаражат игі істерге жұмсалатын болады.

Бұл жәрмеңке – жамағаттың бауырмашылдығын арттырып, мұқтаж жандарға көмек қолын созуға бағытталған тағылымды дәстүрдің жалғасы.

«Һибатулла Тарази» мешітінің баспасөз қызметі