Меркі ауданы «Жүніс молда» мешітіне жергілікті жомарт жандар мен мешіт жамағатының  демеушілігімен бес ауабаптағыш (кондиционер) сыйға тартылды.

Жаз мезгілінің ыстық күндерінде мешітке келушілердің жайлылығы үшін орнатылған ауабаптағыш мешіт ішіндегі ауаны реттеп, намаз оқуға келген жамағатқа қолайлы микроклимат қалыптастырады.

Мешіт имамы мен жамағат та бұл игі істі үлкен ризашылықпен қабылдап, қайырымдылық жасаған жандарға алғыс білдіруде.

Мешіт – тек құлшылық орны ғана емес, сондай-ақ, қоғамның рухани дамуына қызмет ететін мекеме. Мұндай қамқорлық пен қолдау мешіт жұмысының жандануына және жамағаттың бірлігін арттыруға ықпал ететіні анық.

Осындай игі іске қолдау көрсеткен жандарға  Алла Тағала  мол сауаптан жазсын

Меркі аудандық «Меркі ата» мешітінің баспасөз қызметі