ҚМДБ Жамбыл облысы бойынша өкілдігі облыстық "Һибатулла Тарази" мешітінің ұйымдастыруымен қасиетті Құран Кәрімді жатқа және мәнерлеп оқудан XIV республикалық Құран жарысына іріктеу сайысы өтті.

Тараз қаласындағы "Әбу Бәкір ас-Сыддық" мешітінде ұйымдастырылған сайысқа 8-26 жас аралығындағы үміткерлер қатысты. Құран жаттау мен оқудағы шеберліктері сыналған жастар төрт аталым бойынша бақ сынады:

Мәнерлеп оқу – 3 үміткер
10 пара – 24 үміткер
20 пара – 10 үміткер
30 пара – 18 үміткер

Жарыс нәтижесінде:

• 30 пара бойынша

1 орын - Хусей Расул 

2 орын - Салим Усыров

3 орын - Ислам Юнсуович

• 20 пара бойынша –  Мұстафа Бақытжанұлы бас жүлдені иеленді;

2 орын - Мұхаммед Джумаев
3 орын - Билал Хусей

• 10 пара бойынша –  Саят Жеңіс бірінші орынды жеңіп алды

2 орын - Қасым Бекзатұлы

3 орын - Мухаммедэмин Яров 

Сайыстың әділдігі мен жоғары деңгейде өтуіне тәжірибелі ұстаздардан құралған қазылар алқасы қадағалау жасады. Қазылар алқасының құрамында ҚМДБ Құран секторының меңгерушісі, Бас мешіттің наиб имамы Серік Ахметов, ҚМДБ Жамбыл облысы бойынша бас имамы Асқар Зәкіржанұлы, Құран секторының Жамбыл облысындағы жауапты маманы, қари Бірлік Амангелді және Қордай ауданы, Масаншы ауылындағы Қарилар орталығының ұстазы Ахмад Хусей болды.

Жарыс жоғары деңгейде өтіп, әділ әрі мазмұнды түрде ұйымдастырылды. Қатысушылардың Құран оқудағы дайындығы, тәжуид ережелерін сақтауы мен дауыс мәнері сараланып, лайықты бағасын алды. Жеңімпаздарға қаржылай сыйлықтар мен алғыс хаттар табысталды.

Сайыс соңында облыстың бас имамы Асқар Зәкіржанұлы қазылар алқасына қазақы шапан жауып, құрмет көрсетті. Сонымен қатар, қатысушы жастарға рухани демеу беріп, оларға болашақта еліміздің діни-ағартушылық жолында аянбай қызмет етуге тілектестігін білдірді.

Бұл іріктеу сайысы – Құранға деген сүйіспеншілікті арттырып, жастарды имандылыққа баулуда үлкен маңызға ие рухани шара. Осындай игі бастамалар ұлттық құндылықтарды ұлықтап, өскелең ұрпақтың жүрегіне Құран нұрын ұялатары сөзсіз.

«Һибатулла Тарази» мешітінің баспасөз қызметі