Қасиетті Құрбан айт мерекесі – мейірімділік пен берекенің, бірлік пен бауырмалдықтың айқын көрінісі. Осы ұлық күннің құрметіне “Ар-Рахман Ар-Рахим” мешітінде көпшілікке арналған айттық ас таратылып, жамағатқа мерекелік көңіл-күй сыйланды.

Игі шараға мешіт имамы Амангелді Ембергенов демеушілік жасап, жамағатқа арнайы дайындалған тағам үлестірілді. Айт намазынан кейін жиналған қауым айт дастарқанынан дәм татып, бір-бірін мерекемен құттықтап, жақсы тілектерін білдірді.

Мешіт ұжымы мен жамағат бұл бастаманы ризашылықпен қабылдап, демеушіге алғыс білдірді.

Тараз қалалық “Әулие-Ата” мешітінің баспасөз қызметі.