1 Маусым балаларды қорғау күніне орай Қаракемер ауылдық мешітінде бұлдіршіндер арасында жарыстар болып өтті. Атап айтқанда арқан тартысы, асық ату, жіппен секіру, жүгіру, аз салмақта кір тасын көтеру. Жарыс жүлдегерлеріне сый-сияпаттар тарту етілді. Мешіт маңында өткен сайысты ауыл тұрғындары да ынтызарлықпен тамашалады. Ауыл имамы мен жамағаты сайысқа қатысушы балалар мен ауыл тұрғындарының үйді-үйіне кіріп 1500 балмұздақ таратты.

Пайғамбарымыз оған Алланың салауаты мен сәлемі болсын хадисінде: «Кішіге ізет қылмаған, үлкенге құрмет көрсетпеген бізден емес» деп бұйырғанындай кішіге ізет көрсетіп жатқан мешіт жамағаттарының өмірлеріне береке бергей!

Аудандық «Қордай» мешітінің баспасөз қызметі