ҚМДБ Жамбыл облысы бойынша өкілдігіне қарасты «Зекет» қоры және облыстық «Һибатулла Тарази» мешітінің ұйытқы болуымен «Өмірге үміт сыйла» атты қайырымдылық шарасы өтті.

Игі бастама аутизм диагнозы қойылған Мұхаммед есімді баланың еміне қолдау көрсету мақсатында ұйымдастырылды. Жаны жомарт жамағаттың қолдауымен барлығы 3 миллион теңге қаражат жиналып, баланың анасына табысталды.

ҚМДБ-ның Жамбыл облысы бойынша бас имамы Асқар Зәкіржанұлы қаражатты арнайы түрде өзі тапсырып, балаға шипа тілеп, сауапты іске атсалысқан барша жомарт жандарға шынайы алғысын білдірді.

Һибатулла Тарази мешітінің баспасөз қызметі