Жамбыл облысы Тұрар Рысқұлов аудандық «Сұлтан» орталық мешіті мен ауданға қарасты тарауих намазында құран хатым түсірілген мешіттерде Қадір түнінде құран хатым аяқталып, хатым дұғасы жасалды. Аудандық мешітте хатым дұғасын Абдуали қари мен ардагер имам Сұлтаншәріп қажы жасады.
Артынан, ауданның бас имамы Қуаныш Досымжанұлы Қадір кешіне жиналған жамағаттың алдында қариға алғыс айтып, жылдағы қалыптасқан дәстүр бойынша иықтарына шапан жауып, 1 миллион теңге сыйақыны жамағат атынан табыстады. Сонымен қатар, Сұлтаншәріп қажы Абдуали қариға ақ батасын беріп шығарып салды.
Қуаныш Түзелбеков
Рысқұлов аудандық мешіттің баспасөз қызметі